Autoritetet kineze kanë ndaluar publikimin e çfarëdolloj punimi shkencor që ka të bëjë me shpërthimin e koronavirusit.
Bëhet me dije se asnjë punim i tillë nuk do të botohet pa marrë më parë miratimin nga Ministria e Shëndetësisë.
CNN raporton se shkencëtarët kanë frikë se autoritetet duan të fshehin informacione të rëndësishme në lidhje me përhapjen e infeksionit.
Koronavirusi e pati shpërthimin e tij fillestar në Wuhan të Kinës dhe më pas në çështje muajsh, COVID-19 u përhap në të gjithë botën.
Por zëdhënësi i Ministrisë së Jashtme kineze, Jao Li Yian e ka bërë disa herë të qartë në rrjetet sociale, se sipas tij se virusi ishte sjellë në Kinë nga ushtria amerikane.
Studimet mbi koronavirusin janë botuar normalisht deri më tani, megjithatë, autoritetet tani kërkojnë që çdo punim i tillë të shkojë në ministri për miratim shtesë, me procedura të rregullta universitare.
Dikur vendi më i prekur nga koronavirusi në botë, Kina tashmë renditet e shtata për numrin më të madh të rasteve, pas SHBA-ve, Italisë, Spanjës, Francës, Gjermanisë dhe Mbretërisë së Bashkuar.
Ndërsa renditet e teta për numrin më të madh të vdekjeve, pas SHBA-ve, Italisë, Spanjës, Francës, Mbretërisë së Bashkuar, Iranit dhe Belgjikës.
Mbi 1,9 milionë njerëz nga e gjithë bota janë prekur nga COVID-19, ndërsa më shumë se 118 mijë persona kanë humbur jetën.
