I riu shqiptar Lorenz K, është dënuar me 9 vite burg pasi akuzohej se kishte bërë plane për sulme terroriste në emër të “shtetit Islamik”. Sipas autoritete austriake ai kishte nxitur një adoleshent 12 vjeçar për të bërë një sulm terrorist, në tregun e Krishtlindjes në Ludwighafen, raportojnë mediat austriake.
Gjykata e Qarkut në Vjenë, lidhur me akuzat e ka dënuar me 9 vite heqje lirie për terrorizëm shqiptarit 19 vjeçar Lorenz K.
Tetë gjyqtarët kanë mbështetur akuzën për 19 vjeçarin në pikën thelbësore: përpjekje në dy raste për të bindur tjetrin për të kryer vrasje, secilën herë në formë të një akti terrorist.
Po ashtu akuza është mbështetur, me modifikime të vogla edhe në pikat tjera si pjesëmarrje në një akt të paramenduar të rrezikimit përmes mjeteve shpërthyese në formë të një akti terrorist, anëtarësim në një organizatë terroriste dhe në një organizatë kriminale, miratim të akteve terroriste dhe udhëzim për kryerjen e një akti terrorist.
Ndërsa nga ana tjetër, avokati mbrojtës i shqiptarit ka kërkuar kohë për të menduar rreth hapave të ardhshëm ndërsa prokuroria nuk ka dalë me ndonjë qëndrim pas shpalljes së aktgjykimit.
Brenda kornizave të ligjit që lejon një dënim deri në 15 vjet burg, trupi gjykues e masën e dënimit me 9 vjet heqje lirie.
Rasti i Lorenz K. ka rreth një vit që është në fokus të publikut dhe ka bërë bujë të madhe në opinionin austriak dhe më gjerë. Ndër faktorët përcaktues për këtë bujë ka qenë edhe fakti se shqiptari 19 vjeçar është rritur në një familje ateiste e cila ka shkuar nga Shqipëria në Austri. Ai është indoktrinuar me islamin radikal gjatë qëndrimit të tij në burg kur ishte 15 vjeç. TIRANA TODAY
