Pak çaste më parë ka mbaruar mbledhja e parë e Bordit Kombëtar të Menaxhimit të Hidrokarbureve. Burime nga kjo mbledhje thanë se është vendosur që çmimi i sotëm në treg i naftës nga 223 lekë të shkoje në 217 lekë.
Kryeministri Edi Rama njoftoi nisjen e punës së këtij bordi, i cili do të fuksionojë për sa kohë vijon kriza e rritjes së çmimeve. Rama theksoi se do të kalohen në filtër të gjithë çmimet në treg, ndërsa shtoi se marzhi i fitimit për kompanitë do të ngrijë.
Sikundër dje, ka patur prezencë të shtuar të policisë që kanë blinduar Kryeministrinë. Në foto duken se si efektivët kanë të veshur uniformën e tyre, por pa numër identifikimi, duke bërë kështu një shkelje.
Qytetarët kanë ardhur nga qytete të ndryshme të vendit. Ata mbajnë pankarta në duar dhe kërkojnë uljen e çmimeve.
“Boll na vodhët” është banderola që shoqëron këtë protestë.
