Gjashtë vajza jetime nga Kukësi, të cilët prekën këdo me historinë e tyre muaj më parë, tashmë do gëzojnë banesën e re në Tiranë. Fondacioni “Fundjavë Ndryshe”, mori përsipër të ndihmonte gjashtë motra jetime, të cilat kishin humbur nënën dhe babanë.
Sikur të mos mjaftonte kjo, ato jetonin në kushte shumë të vështira ekonomike.
Që nga dita kur ato humbën nënën e tyre, gjashtë vajzat humbën edhe kujdesin dhe dashurinë prindërore, shtëpinë, të drejtën për t’u shkolluar dhe mundësinë për të jetuar normalisht.
Por tashmë ato do të nisin një jetë të re në kryeqytet. Lajmi është përcjellë përmes një video nga “Fundjavë Ndryshe”, ku duken qartësisht fytyrat e tyre të lumtura, si rrallë herë.
Instituti Arsimor Willson ka ofruar mbështetjen, për të ndjekur studimet të gjashta vajzat.
