Arrihet marrëveshja mes katalanasve dhe parizienëve për transferimin e yllit brazilian, Nejmar, të cilin këtë sezon do ta shohim nën fanellën e Barcelonës.
Sipas gazetarit italian, Gianluca Di Marzio, është mbajtur nje takim mes Al-Khelaifit dhe Bartomeut, ku u fol për sulmuesin, ndërsa është gjetur gjuha e përbashkët për largimin e Nejmar nga PSG.
Ndërkohë, zyrtarizimi dhe nënshkrimi i kontratës pritet të vijë në orët e ardhshme.
Ai u kthye në çështje të madhe tek PSG-ja, pasi fillimisht refuzoi të bashkohej me shokët në grumbullim në afatin e përcaktuar, ndërsa më pas ‘kërcënoi’ se nuk do të luante më asnjë ndeshje për klubin francez.
Kujtojmë se sulmuesi nuk ishte pjesë e ekipit që fitoi Superkupën e Francës, me suksesin 2-1 ndaj Renës në finalen e luajtur në Shençen të Kinës.
Në fund të ndeshjes, pas dhënies së trofeut, ndodhi edhe një incident kur Kilian Mbape largoi me forcë Nejmarin nga festimet, gjest për të cilin u shpreh se është bërë në formë shakaje.
