Raul Castro ka dhënë dorëheqjen si kreu i Partisë Komuniste Kubane, duke i dhënë fund gjashtë dekadave të familjes së tij në pushtet.
Castro, 89 vjeç, tha se ai po i dorëzon udhëheqjen e partisë një brezi të ri “plot pasion dhe frymë anti-imperialiste, shkruan NBC News.
“Unë besoj në forcën, natyrën shembullore dhe të kuptuarit e bashkatdhetarëve të mi, dhe për sa kohë që të jetoj, unë do të jem gati për të mbrojtur atdheun, revolucionin dhe socializmin,” u tha Castro delegatëve të partisë në mbledhje me dyer të mbyllura në një qendër kongresesh në Havana.
Megjithëse ka pak pritje për një ndryshim të rëndësishëm midis kubanëve, kjo është një lëvizje historike, pasi Raul dhe vëllai i tij i ndjerë, Fidel Castro, kanë qenë në pushtet që nga revolucioni i vitit 1959.
Megjithëse Castro nuk e përmendi emrin e pasardhësit të tij gjatë fjalës, pritet që një votim i mëvonshëm të ratifikojë Presidentin Miguel Díaz-Canel si sekretarin e ardhshëm të përgjithshëm të partisë dhe të përcaktojë udhëzimet e politikave.
