Një bande të rrezikshme, me drejtues një shqiptar, ishte shndërruar në tmerrin e argjendarive të Athinës. Për arrestimin e tyre policia greke zhvilloi një operacion i shpërndarë njëkohësisht në disa zona. Në përfundim të tij policia ka vënë në pranga dy shtetas shqiptarë dhe tre grekë.
Njëri prej shqiptarëve, 33 vjeç, ishte kreu i grupit. Ai ishte dënuar me gjithsej 71 vite burg, por kishte mundur të arratisej më 24 gusht nga burgu i Tyrinthas.
Vetëm në dy prej tyre përllogaritet se ata morën mall dhe para me vlerë 800.000 euro.
Po ashtu mësohet se ata i realizonin grabitjet në momentin që dyqani ishte i mbyllur. Njëri prej tyre, që mbante në fytyrë një maskë prej silikoni, paraqitej si klient dhe i bindte të hapnin portën.
Policia ka sekuestruar 1 armë kallashnikov, 4 pistoleta, armë gjahu, një maskë silikoni, bizhuteri, telefona celularë, si dhe një shumë prej 6.165 euro.
