Merr formë “Arena Kombëtare” (Video)

Kur kanë ngelur edhe 6 muaj nga përfundimi i afatit kohorë për ta finalizuar punimet. “Arena Kombëtare” ka marrë formë. Përveç kullës edhe stadiumi ka marrë formë, pasi aktualisht janë duke u ndërtuar shkallët e stadiumit.

Pjesa e mbulesës ka filluar të marrë formë dhe pritet që të fillojë rregullimi i fushës. Kanë përfunduar thuajse punimet për pjesën e nëntokës së stadiumit të ri. Pas përfundimit të montimit të mbulesës së impiantit të ri, atëherë do të nisin punimet edhe për fushën. ‘Arena Kombëtare’ është investimi më i madh i FSHF në bashkëpunim me UEFA-n dhe qeverinë shqiptare pas stadiumit të Shkodrës dhe Elbasanit.