Calhanoglu-Juventus
Sa i përket lojtarit turk, sipas asaj që u raportua nga ‘todofichajes.com’, lojtari mendohet ta ketë dhënë dritën jeshile për tu transferuar tek Juventusi. Në të njëjtën kohë, trajneri i ri i Juventusit, Masimiliano Alegri gjithashtu mori miratimin. Palët tani po punojnë për të gjetur një marrëveshje nga pikëpamja ekonomike dhe për të përfunduar operacionin, i cili, përsëri sipas spanjollëve, në këtë pikë do të përjashtonte një rikthim të Pjaniçit.
Donaruma, e ardhmja
Portieri italian ishte objekt komentimi për Franco Order, në mikrofonat e ‘Top Calcio 24’. Gazetari foli për të ardhmen e portierit, duke analizuar disponimin e tij: “Ai është i trazuar dhe nervoz, sepse nuk e di të ardhmen e tij.
Pastaj biseda fokusohet posaçërisht në pistën që do ta çonte atë tek Juventusi: “Allegri është i kënaqur me Szczesny-n dhe e konsideron një portier shumë të besueshëm. I vetëdijshëm për vonesën në bisedime, Raiola i shkroi Juventusit, duke thënë se Xhixhio do të ishte i kënaqur me pagën që merr aktualisht nga Milani, pra ‘vetëm’ 6 milion euro “.
Naingolan dhe ideja e Interit
Ndër pyetjet që mbeten pa përgjigje tek Interi është dhe ajo që lidhet me të ardhmen e Radja Naingolanit. Mesfushori është një aset prej 9.5 milion eurosh dhe do të ishte favorit për një transferim përfundimtar te Kaljari. Marotta po mendon t’i japë Simone Inzagit përforcimin e parë të madh të verës, që është Nahitan Nandez, një pjesë e çmuar e ekipit sard, Kaljarit. Për talentin uruguajan interesohet intensivisht dhe Lidsi i Marselo Bielsës në Angli.
Pochetino
Pochettino arriti në Paris vetëm në mes të sezonit aktual në vend të Tomas Tuhelit, i cili nga ana e tij mori frerët e bluve të Londrës në dorë deri në fitoren e Ligës së Kampionëve. Rruga e trajnerit argjentinas nuk shkoi aq mirë, pasi aventura evropiane kundër Mançester Sitit u ndërpre para se të humbte gjithashtu titullin e Ligue 1 përballë Lilës. Pochetino më pas kërkoi të largohej, por midis PSG-së dhe Real Madridit nuk ka marrëdhënie të shkëlqyera dhe ata nuk do të donin ta lironin trajnerin për spanjollët. Nuk do të jetë e lehtë për faktin se argjentinasi ka një marrëveshje deri në vitin 2022 me mundësi rinovimi për një sezon.
