Teksa Juventusi është duke pritur të qartësohet e ardhmja e Kristiano Ronaldos, i ndarë midis PSG-së (një shkëmbim i mundshëm me Ikardin, i vlerësuar gjithmonë nga Alegri), dhe qëndrimit në Torino, klubi gjithsei mund të krijojë marrëdhënie tregtare me klubin parizien lidhur me rrugë të tjera merkatoje.
Një fiksim i vjetër i klubit të Anjelit është rikthyer në modë: Leandro Paredes. Në fakt, një shkëmbim midis vetë Juventusit dhe parizienëve mund të merrte formë gjithashtu me playmakerin argjentinas për Arthur, duke përjashtuar kështu në mënyrë të beftë Barcelonën, e cila nuk do të kishte pastaj shanse për të negociuar me emrin e Pjaniçit.
Një marrëveshje që do t’i sillte Juves një mesfushor me karakteristika të ndryshme, në vend të një Arthuri me probleme fizike i cili kohët e fundit iu nënshtrua një operacioni, kështu që duhej të qëndrojë pushim për disa kohë. Nga ana tjetër, Paredes do t’i ofronte sasi dhe cilësi grupit pasi vjen dhe nga fitorja e Copa America përkrah Leo Messit. Vlerësimi është rreth 25/30 milion euro./Tirana Today
