Merkato e lëvizjeve dhe ndryshimit të kaheve politik ka prekur dy nga këshilltarët e Këshillit Bashkiak të Gjirokastrës.
Nënkryetari i Këshillit Bashkiak, Adrian Hykaj nga partia e Lëvizjes Socialiste për Integrim dhe këshilltari, Selaudin Mosho i PDIU-së kanë kaluar nga radhët e anëtarëve të këshilltarëve të Partisë Socialiste.
Të dy këshilltarët kanë braktisur partitë përkatëse dhe i janë bashkuar PS-së.
Kjo lëvizje u verifikua sot në mbledhjen e radhës së Këshillit Bashkiak të Gjirokastrës, ku ndryshimi i ngjyrave politike u prit me entuziazëm nga socialistët e tjerë në këshill.
Por kjo lëvizje nuk ka bërë të mundur që ta kthejë në mazhorancë numrin e këshilltarëve socialistë, sepse sërish PS me aleatët e vetë, ngelen pakicë, pasi raportet flasin për 17 këshilltarë nga radhët e opozitës PD+LSI dhe 14 këshilltarë nga PS plus aleatë, çka përkthehet ndryshe se PD dhe LSI përbëjnë shumicën, edhe pas transferues të dy këshilltareve.
