Me kontratën që i skadon më 31 dhjetor, Kaio Jorge është një nga emrat më të ‘nxehtë’ në tregun e transferimeve, me Juventusin dhe Milanin të gatshëm të futen në garë për brazilianin.
Falë një kontrate që skadon për disa muaj dhe potencialit të padiskutueshëm, Kaio Jorge është kthyer në një nga emrat më të përfolur në tregun e transferimeve. Në moshën 19 vjeçare, sulmuesi tashmë ka shënuar 6 gola në 18 paraqitje në Kupën Libertadores, duke u shfaqur kështu me një CV interesante për disa klube evropiane. Atletico Madrid mbetet absolutisht vigjilent për djaloshin, edhe nëse në javët e fundit kanë qenë mbi të gjitha klubet italiane që kanë monitoruar nga afër situatën.
Në shënjestrën e Napolit për disa kohë, tani sulmuesi brazilian është vënë në qendër të një beteje të rëndësishme midis Juventusit dhe Milanit. Sipas informacionit të mbledhur nga Calciomercato.it, deri më sot të gjitha klubet italiane po punojnë kryesisht nga perspektiva e merkatos së dimrit, duke pasur parasysh që një ardhje e menjëhershme e lojtarit, përveç 10 milionëve të kërkuar nga Santos, do të përfshinte gjithashtu pagesën e komisioneve për agjentët. ‘Rossonerët’ gjithashtu kohët e fundit përsëritën interesin e tyre konkret për Kaio Jorge, por tentativa për një transferim të menjëhershëm nuk duket e pjekur, të paktën tani për tani.
