Pas barazimit 2-2 dje ndaj Burnley në kampionat, trajneri i Manchester United, Jose Mourinho, lëshoi këtë deklaratë: “Manchester City blen mbrojtës me vlerën e sulmuesve”. Një batutë ironike që ka qenë një shfajësim për trajnerin portugez, që duket se edhe këtë sezon ka humbur betejën për titullin kampion në Premier League. E çuditshme deklarata, pasi që kur ai ka ardhur tek United, ka shpenzuar gati 300 milionë stërlina, për të cilin kjo shumë nuk është e mjaftueshme për të fituar.
Por kush ka harxhuar me shumë mes portugezit dhe Pep Guardiola në karrierë si trajner? E çuditshme por Mourinho ka harxhuar më shumë se Guardiola edhe spe diferenca është e vogël (70 milionë euro). Sipas “Transfermarket”, të dy trajnerët kanë prekur shifrën e 1 miliardë eurove të shpenzuara në karrierën e tyre si trajnerë (të vetmit). Ja kush janë 10 trajnerët që kanë shpenzuar më shumë në karrierën e tyre:
