Interi po ndërton sezonin e ri me Simone Inzaghin, me shpresën dhe qëllimin për të mos hequr dorë nga ndonjë lojtar tjetër i shkëlqyeshëm përveç Hakimit të shitur tashmë. Marotta po kërkon përforcime me kosto të ulët, midis mundësive dhe parametrave zero. Ai po merret me Nandez i cili do të mbulonte një hapsirë të dyfishtë në mesfushë ndërsa pyetja për pjesën tjetër të merkatos lidhet me sulmin. Lukaku është padyshim ai që nuk mund të shitet, me Lautaron që gëzon pak a shumë të njëjtin status. Për këtë arsye, në sulm, të paktën në letër, goditjet e tjera do të vijnë vetëm nëse Pinamonti dhe Sanchez shkojnë larg. Argjentinasi, megjithatë, sapo është kthyer nga fitorja e Copa America-s, ka shumë kërkesa dhe ka nga ata që ende vënë në dyshim të ardhmen e tij.
Në Spanjë, ka nga ata që janë të sigurt për pistën e Atletico Madridit. Sipas ‘El Gol Digital’, në fakt, Interi madje supozohet t’i ketë dhënë dritën jeshile shitjes së Lautaro Martinezit te Colchoneros, ekipi më i interesuar për lojtarin duke qenë se Reali dhe Barcelona nuk e mbyllën dot goditjen. Shifra përflitet 70 milion euro dhe Simeone tashmë ka një plan për të shkuar tek ‘Toro’. Plani është shitja e tre emra të fortë: Saul, Trippier dhe Kondogbia. Për fat të mirë për Atleticon ata janë tre lojtarë shumë të njohur që kanë shumë treg. Një merkato me shumë ngjarje për ‘rojiblancos’, me Interin i cili kështu mund ta izolonte plotësisht Lukakun. Sipas portalit spanjoll, Lautaro gjithashtu do të dëshironte të zbarkonte në La Liga dhe kështu dëshirat përkojnë të gjitha.
