Pasi nënshkroi kontratën me klubin e Selanikut, Aris, Mërgim Mavraj është bërë grek zyrtarisht. Ose të paktën këtë ka lënë të kuptohet mbrojtësi i kombëtares shqiptare, në ditën që u zgjodh edhe kapiten i Shqipërisë me votat e shokëve të skuadrës.
Me anë të një postimi në “Instagram”, qendërmbrojtësi k publikuar një foto të pasaportës greke dhe falënderonte edhe në gjuhën helene “Faleminderit Greqia”. Postimi qëndroi vetëm për pak minuta, sepse me sa duket nuk është pritur edhe aq mirë nga fansat e tij.
Pse i duhet Mavrajt pasaporta greke?
Mërgim Mavraj ka pasur pasaportë gjermane, por duke qenë se Gjermania nuk e lejon dyshtetësinë, ai vendosi ta sakrifikojë atw dhe të mbajë vetëm pasaportën shqiptare.
Por, pse i duhet pasaporta greke? Në fakt, nuk ka të bëjë shumë me Greqinë, pasi shqiptarët në Greqi prej vitesh nuk konsiderohen ekstrakomunitarë dhe rrjedhimisht kjo nuk i kushtëzon asgjë profesionalisht.
Por mund t’i duhet pasaporta greke nëse një ditë vendos të udhëtojë drejt SHBA-së apo Kanadasë, apo nëse në një të ardhme do të transferohej në një kampionat europian, aty ku shqiptarët quhen ekstrakomunitarë dhe kjo i pengon shumë për të siguruar kontratën që dëshiron.
Mavraj nuk është i pari dhe as i vetmi yll i kombëtares që merr pasaportën e një vendi tjetër. Pak muaj më parë ka aplikuar edhe Armando Sadiku për t’u pajisur me pasaportë bullgare.
Arsyeja mbetet e njëjtë: kështu nuk konsiderohet ekstrakomunitar në Spanjë, Itali, Zvicër, apo Gjermani. Kujtojmë që Mavraj ka edhe pasaportë diplomatike, me të cilën shteti shqiptar pajisi gjithë ekipin Kombëtar pas kualifikimit në “Euro 2016”.
