DPA/ Mijëra njerëz dolën në rrugë të shtunën, në të gjithë Brazilin, për të demonstruar kundër politikave të qeverisë gjatë pandemisë, ndërsa numri i rasteve të variantit Delta vazhdon të rritet. Protestuesit kanë bërë thirrje për fajësimin e Presidentit Jair Bolsonaro, për më shumë vaksina kundër Covid-19 dhe ndihmë ekonomike, sipas portalit të lajmeve G1.
Demonstratat u zhvilluan në të paktën 13 kryeqytete provinciale, përfshirë Rio de Janeiro, Recife dhe Salvador. Sindikatat dhe grupime të krahut të majtë organizuan demonstratat. Pjesëmarrësit mbanin banderola duke lexuar “Bolsonaro – gjenocid i korruptuar. Impeachment tani” apo “Ne duam vaksinime”.
Një komision parlamentar po heton tani trajtimin e krizës nga Bolsonaro. Ndërkohë, autoritetet shëndetësore të vendit regjistruan më shumë se 100,000 infeksione të reja me koronavirus në një ditë të Premten, pasi një shtet paraqiti me vonesë dhjetëra mijëra numra të rasteve.
