Një ngjarje e rëndë është shënuar në Meksikë, teksa 4 persona janë futur në një sallë lojërash elektronike dhe kanë filluar të qëllojnë me armë.
Sipas CNN, ngjarja u regjistrua të hënën, Uruapan, në shtetin perëndimor meksikan Michoacan. Si pasojë e sulmit 9 persona kanë mbetur të vdekur, ndërsa 2 të tjerë u plagosën.
Raportohet se katër nga të vdekurit janë rreth moshës 12 dhe 17 vjeç. Ngjarja dyshohet të jetë e lidhur me kartelet e drogës. Uruapan ka parë shumë episode të ashpra dhune lidhur me kartelet e drogës në të kaluarën.
Në vitin 2013, kufomat e shtatë burrave u hodhën pranë një sheshi qendror në qytet, ndërsa në 2006, anëtarët e një karteli të drogës ‘La Familia Michoacana’ prenë kokat e 5 anëtarëve të bandave rivale dhe i hodhën në dysheme.
