Kreu i Partisë Republikane, Fatmir Mediu, në postimin e radhës në Facebook, ka shprehur hapur shqetësimin e tij në lidhje me kapjen e drejtësisë nga krimi.
Ai i referohet raportit të fundit të Departamentit Amerikan të Shtetit, ndërsa nënvizon se Shqipëria është vendi i dytë më i korruptuar në Rajon.
Mediu ndan shqetësimet me qytetarët, duke vënë theksin tek korrupsioni qeveritar, mungesa e transparencës dhe konkurrimit, si baza e një ekonomie të tregut të lirë.
Në vazhdën e akuzave, ai shigjeton qeverinë si të dalë nga zgjedhje të manipuluara, e të lidhura me interesa korruptive dhe kriminale.
