Pas takimit me ambasadorin amerikan, kreu i Partisë Republikane ka folur për mediat, ku tha se ka vend për dialog, që opozita të marrë pjesë në zgjedhje.
Mediu u shpreh se është e rëndësishme të zhvillohet një dialog në mënyrë që në Shqipëri të ketë zgjedhje të lira dhe të ndershme.
“Patëm një diskutim me Ambasadorin Lu për situatën, që nuk ka të bëjë me kërkesën e zotit Lu për të hyrë në zgjedhje, por si mundet që palët të zhvillojnë një dialog konstruktiv që në Shqipëri të ketë zgjedhje të lira dhe të ndershme.
Dhe besoj që kjo është rruga më e arsyeshme që ne të vazhdojmë dialogun për të gjetur ato pika të komunikimit të përbashkët dhe të zgjidhjes që garantojnë zgjedhje të lira dhe të ndershme për qytetarët shqiptarë”, tha Mediu.