Ishte një ndeshje miqësore, por Shqipëria u turpërua keq dje përballë Kosovës. Jo vetëm nga rezultati i thellë 3-0, por edhe nga ajo çfarë u pa në fushën e lojës, një dominim total.
Madje në fushë kishte vend edhe për spektakël, me Edon Zhegrovën i cili bëri një veprim ‘alla-Neymar’, duke mbajtur topin mbi qafë. Manovra e 19-vjeçarit ka bërë sensacion edhe në Serbi, aty ku gazeta ‘Kurir’ e ka raportuar me titullin: “Shikoni se si një lojtar i Kosovës turpëron Shqipërinë”.
Vetë futbollisti shqiptar me origjinë nga Kosova kërkoi falje pas ndeshjes, duke deklaruar se ai veprim nuk ishte për të nënçmuar Shqipërinë, por për të dhuruar spektakël.
