Mediat ruse raportojnë se Perëndimi në përgjithësi dhe Shtetet e Bashkuara në veçanti po luajnë me të gjitha llojet e komploteve djallëzore anti-ruse. Shembulli më i fundit që po realizohet është ai i lojës Fidget Spiner, një lojë që ka si funksion përqendrimin e fëmijëve por jep efekt të kundërt.
Sipas medieve ruse kjo lodër dore që rrotullohet është kthyer në një virus masiv për nxënësit e shkollave në Rusi dhe SHBA. Për shumë kohë kjo lodër dukej e padëmshme, por u destinua të ishte në qendër të vëmendjes. Rusia ngre dyshime se opozita ruse është duke e përdorur këtë lodër për të tërhequr të rinjtë, madje një gazetar televiziv ngre një pyetje. “Kush po e promovon këtë lodër aktive për masat?” Pasi bëri një investigim gazetari tha se provoi që lodra ishte e paketuar në gjuhën angleze dhe asnjë shkronjë nuk figuronte në rusisht, gjë që ngjall shumë dyshime, raporton PolitRussia.ru.
Pas hetimeve të tij ai ka konstatuar se kjo është një përpjekje për të zombifikuar të rinjtë, dhe se është një formë e teknologjisë politike. Është rruga që po përdor opozita për të kontrolluar masat, sipas tha Ruslan Ostashko, kryeredaktori i një faqeje pro-Kremlin.
Agjencia ruse për Mbrojtjen e Konsumatorit raportoi se së shpejti fillon hetimi i lodrave, nisur nga shqetësimi i shfaqur nga komuniteti i prindërve dhe mësuesve, në bashkëpunim me Institutin e Kontrollit të Shëndetit. Natyrisht Rusia nuk shqetësohet vetëm për Fidget Spiner. Thikat fishekzjarret dhe lodrat e dëmshme janë të ndaluara atje.
Në Gjermani, në doganë u konfiskuan 35 ton spinners në maj. Edhe pse disa terapistë kanë thënë se Fidget Spinner i ndihmon njerëzit e papërqëndruar , shkolla të ndryshme në Shtetet e Bashkuara i kanë ndaluar ato lodra. Ndërkohë që Rusia duket se e ka goditur tregun e kësaj lodre me politizimin e efekteve të mundshme anësore. (Tirana Today)
https://www.youtube.com/watch?v=_4OJZFI3L8o
