Në media sonte u publikua lajmi se kryetari i Partisë Demokratike, Lulzim Basha, ka shkarkuar kryetarin e PD-së Dega Durrës, Oerd Bylykbashin. Në vend të Bylykbashit është komanduar Ferdinand Xhaferri.
Në një prononcim ekskluziv për Tirana Today, Bylykbashi ka mohuar lajmin së është shkarkuar nga kryetari Basha. Bylykbashi ka deklaruar se ka dhënë dorëheqjen që në muajin tetor të vitit 2017, duke sqaruar se ky është lajm i padrejtë.
“Kam dhënë dorëheqjen që në muajin tetor të vitit që shkoi, është fakt publik ky. Mendoj se lajmi i publikuar është i padrejtë,” deklaroi Bylykbashi për Tirana Today.
Në portalin CNA.al është publikuar lajmi se, “Fahri Balliu botuesi i gazetës “55”, ka ushtruar presion të vazhdueshëm ndaj Lulzim Bashës, duke kërkuar pazarin e radhës. I mbështetur edhe nga miku i tej Genc Pollo, ata kërkojnë që Basha të largojë Oerd Bylykbashin dhe në vend të tij në krye të PD Durrës, të caktojë Ferdinand Xhaferrin.”
Ferdinand Xhaferri i komanduari në krye të PD-së Dega Durrës, është miku i Genc Pollos dhe njëherësh bashkëthemelues i PDr (Partia Demokratike e re), e cila ishte një formacion politik i dalë nga Partia Demokratike.
Tashmë Ferdinand Xhaferraj ka arritur ti mbush mendjen Bashës, se mund ta drejtoj PD në Durrës, duke u komanduar për herë të tretë, qysh prej vitit 1997.
Kjo është hera e pestë që Xhaferraj bëhet kryetar partie në Durrës, tre herë me PD dhe dy herë me PDR, e Pollos.
Ai po ashtu njihet për humbjen spektakolare në vitin 2011, për kryetar bashkie, edhe pse premtoi përmirësimin e cilësisë së diellit për qytetarët durrsake.
Zgjedhja e fundit në krye të PD në Durrës vjen falë mbështetjes nga Fari Balliu, si njeri i pranuar dhe nga LSI.
