Protesta e sotme e opozitës ka tërhequr edhe syrin e disa prej medieve të huaja prestigjoze, të cilat kanë konstatuar si të veçantë paraqitjen e Bashës, që në nisje të protestës, shoqëruar nga gruaja dhe dy vajzat e tij. Ky ishte një mesazh që nënkuptonte se protesta do të ishte paqësore.
Sipas ABC News dhe Washington Post, mijëra shqiptarë iu bashkuan protestës që kulmoi në mesditë në bulevardin “Dëshmorët e Kombit’”në Tiranë.
“Opozita shqiptare nisi të shtunën një protestë kombëtare duke kërkuar qeveri teknike që do të garantojë zgjedhjet e lira e të ndershme në vend. Disa mijëra protestues mbushën sheshin kryesore, bulevardin “Dëshmorët e Kombit” dhe pjesën përpara zyrës së kryeministrit Rama. Pjesa përpara kryeministrisë ruhej nga qindra policë, kurse shumë rrugë janë bllokuar përkohësisht.”- shkruajnë mediet e huaja.
