Mediat belge kanë shkruar për lirimin e të fortit të Shkodrës, Safet Bajri, i cili mori pjesë në varrimin e të atit.
Hln.be shkruan se leja e Bajrit për t’i dhënë lamtumirën e fundit të atit të tij tregon jo vetëm trajtim preferencial, por edhe lidhje të forta me politikanët shqiptarë.
“Safet Bajri (34), i dënuar me 22 vjet në vendin tonë, është lejuar të largohet nga burgu në kryeqytetin shqiptar të Tiranës të premten. Shqiptari më i njohur nën pseudonimin Safet Rustemi dhe i lidhur me rreth dyzet vrasje, prostitucion dhe trafik droge u burgos në shtator të vitit të kaluar”, shkruan hln.
Më tej, kjo media pyet me ironi se kur do të jetë hera tjetër që Safet Bajri të marrë leje për të dalë nga qelia.
Safet Bajri u shoqërua nën masa të rrepta sigurie nga policia më 1 shkurt, ku u lejua të merrte leje në varrimin e të atit.
