Presidenti ilir Meta ka folur në lidhje me negociatorin Artur Meçollari dhe akuzave të hedhura ndaj tij. Meta tha se nuk kam asnjë informacion në lidhje me akuzat e hedhura ndaj tij, por ai theksoi se nuk është paragjykues ndaj listës së negociatorëve.
“Nuk mund të jap përgjigje për faktin që unë nuk jam në dijeni nga ana institucionale dhe ne kemi kërkuar informacion dhe në këto kushte unë nuk komentoj. Nuk mund të veproj në bazë të informacioneve politike dhe mediatike”- u shpreh Meta, ndërsa kjo ishte edhe një përgjigje ndaj deklaratave të bëra nga Berisha.
Kujtojmë se ish-kryeministri, Sali Berisha ka deklaruar se gjatë ditës së djeshme se Artur Meçollarit, është një agjentë që cenon interesat kombëtare. Presidenti nuk ka komentuar më tej, me pretendimin se nuk ka asnjë informacion.
Ndërkohë Meta ka folur edhe për Meçollarin, ndërsa i është përgjigjur dyshimeve se Meçollari ka takuar ministrin e Greqisë, Kotzias për negociatat. Për Metën, nëse prania e tij ka qenë për negociatat është një gabim shumë i rëndë, por ai shtoi se nuk e beson një gjë të tillë.
Deklarata e presidentit Meta.
Si e komentoni përfshirjen e negociatorit Artur Meçollari?
Nuk mund të jap përgjigje për faktin që unë nuk jam në dijeni nga ana institucionale dhe ne kemi kërkuar informacion dhe në këto kushte unë nuk komentoj.
Pse duhet të vinte në zyrën tuaj një person i tillë?
Ky është një proces dhe do kohën e vet.
Ju jeni President i Republikës dhe keni mundësi për të marre informacione edhe nga shërbimet inteligjente?
Ne kemi dërguar kërkesa tek institucionet dhe nuk mund të them asgjë pa verifikuar.
Ky person thuhet se ka qenë prezentë në takimin me Kotzias. Është normale?
Kanë vlerësuar negociatat teknike.
Cenohet integriteti i tij?
Për faktin se ka qenë në Korçë për negociata kjo është e rëndë, por nuk besoj e ka ndodhur.
Nëse ka qenë për negociata ju thoni se është e rëndë?
Thashë që nuk e besoj e mund të ketë qenë për këtë.
