Ish-kryeministri Sali Berisha ka lëshuar akuza të forta ndaj negociatorit Artur Meçollarit, të cilin e ka quajtur spiun dhe bashkëpunëtor të agjenturave të huaja.
Gjithashtu, Berisha deklaroi se ai ka një lidhje me agjentë të huaj dhe për këtë ka edhe fakte që e vërtetojnë. Por deklaratës së Berishës, i janë përgjigjur personalitete dhe njohësh të fushës, të cilët pretendojnë se fjalët e tij janë gënjeshtra dhe nuk kanë lidhje me figurën e tij.
Ish-deputeti i Partisë Demokratike, Marko Bello tha se deklarata e Berishës është shumë e rëndë dhe duhet zbardhur urgjentisht. Sipas tij, kjo është në dëm të interesit kombëtar si brenda ashtu e dhe jashtë vendit.
“Te dalësh dhe të deklarosh se filani është spiun, kjo është një përgjegjësi shumë e madhe. Këtu flitet për një ushtarak, i cili ka shërbyer në flotën detare.. Ai është një nga ushtarakët më të zotë. Ka marrë dy certifikata sigurie. Ai ka marrë certifikatë, pasi është edhe zyrtarë i NATO-s. Si ka mundësi për këtë person, ish-kryeministri hedh një akuzë, e cila duhet vërtetuar në mënyrë të menjëhershëm”-tha Marko Bello.
