Çifti shqiptar që bëri bujë me vjedhjen me anti-djers, rezulton se histori të tilla kanë patur edhe jashtë vendit. Çifti nga Vlora që tentoi grabitjen e argjendarisë në Shkodër, duket se kanë një histori të vjetër vjedhjesh.
Arben dhe Anisa Hoxhaj, burrë e grua, janë lënë në burg, pasi tentuan të vidhnin argjendarinë në Shkodër.
Zanafilla e grabitjeve
Një shqiptar nga Zvicra, përmes një postimi në rrjetet sociale që qershor të vitit të kaluar denonconte Anisa Hoxhajn, si hajdute profesioniste. Ajo kishte qenë në Zvicër dhe kishte punuar si dado në shtëpinë e tij, nga ku dhe kishte plaçkitur shtëpinë. Denoncuesi paralajmëronte se ajo ishte shumë e rrezikshme, dhe një hajdute profesioniste.
“Anisa ka filluar punën ashtu si jemi marr vesh me kompaninë dhe direkt personalisht me Nisen, por Anisa mbas 4 ditëve kur unë edhe bashkëshortja ishim ne punë Anisa mi kishte lënë fëmijët vet në banesë dhe më kishte plaçkitur gjitha gjërat me vlerë si floririn (Dukatin) e bashkëshortes, dy ora dore dhe kishte plaçkitur 3860 fr. Ju lutem qe te keni kujdes nga kjo femër sepse është shumë e rrezikshme, dhe një hajdute profesioniste, kam një lutje kush e shef ketë femër apo kush e njeh dhe e di lokacionin e saj më kontaktoni. Te lutem shpërndaje edhe ti sepse sot me ka plaçkitur mua por nesër do të plaçkitë edhe ty”, ka shkruar ai.
Çifti hajdut mbetet në burg
Gjykata e Shkodrës la në “burg pa afat” çiftin e bashkëshortëve nga Vlora, që tentuan të grabisnin një argjendari në qendër të qytetit verior. Arben dhe Anisa Hoxhaj udhëtuan nga Vlora drejt Shkodrës për të kryer krimin. Ata hynë në dyqan si klientë të zakonshëm dhe sulmuan shitësit me spraj. Por pronarët rezistuan duke bërë të mundur edhe neutralizimin e tyre në derën e dyqanit. Pak minuta më pas, agresorët u arrestuan nga policia.
