Ditë më parë, kryeministri Rama nxori prapaskenat e përplasjes me ish/zëvendës ministrin, Taulant Muka. Sipas Ramës, ky i fundit ishte habitur kur i kishte thënë të merrte postin e Ervin Demos, të cilin e kishte akuzuar për plagjiaturë. Ai e thelloi edhe më shumë skandalin, kur tha se Muka kishte kërkuar veturë me shofer, tualet në zyrë si dhe punësim të të atit.
Teksa ka shpjeguar këtë situatë, Rama nuk është kursyer ndaj Mukës, duke e cilësuar këtë të fundit si një ‘larvë politike’. Por Taulant Muka nuk e ka lënë me kaq, ndërsa sot publikoi mesazhet e shkëmbyera me kryeministrin Rama.
https://tiranatoday.com/taulant-muka-i-nxjerr-bojen-rames-me-mesazhet-per-punen/
Ai nënvizon se kishin rënë dakord që do të ishte mbi ministren, por aty ai ishte thyer në besë. Kërkesa e tij nuk është pritur aspak mirë nga ndjekësit e tij, duke i kujtur faktin se në institucione ruhet hierarkia. Në kundërpërgjigje, Muka thotë se me Ramën kishin rënë dakord.
Një tjetër e pyet nëse ai ka kërkuar makinë dhe shofer personal, por Muka ia pret shkurt, se nuk ka patur një kërkesë të tillë nga ana e tij.
Taulant Muka ka denoncuar deri më tani skandalin me plagjiaturë të ish/zëvendës ministrit Demo, si dhe së fundmi ministres Mimi Kodheli.
