Presidenti Ilir Meta priti ditën e sotme në një takim Zëvendës Presidentin e Parlamentit Europian dhe eurodeputetin e Lëvizjes 5 Yjet, Fabio Massimo Castaldo.
Teksa e falënderoi për angazhimin e tij lidhur me forcimin e marrëdhënieve mes Shqipërisë dhe Italisë, Meta shprehu gjithashtu mirënjohjen për mbështetjen e fortë që Italia dhe Parlamenti Evropian i kanë dhënë procesit të integrimit të Shqipërisë në Bashkimin Europian.
Ndërkohë, Zëvendës Presidenti i PE, z.Castaldo e siguroi Kreun e Shtetit shqiptar për mbështetjen e tij dhe të Italisë në këtë proces.
“I gëzuar të takoja sot Zëvendës Presidentin e Parlamentit Europian dhe eurodeputetin e ‘Lëvizjes 5 Yjet’, z.Fabio Massimo Castaldo, me të cilin ndamë bindjen për forcimin e mëtejshëm të marrëdhënieve të shkëlqyera mes Shqipërisë?? dhe Italisë??. Më siguroi për mbështetje në procesin e anëtarësimit të vendin tonë në Bashkimin Europian??”, shkruan Presidenti.
