Aktori i humorit Julian Deda, ka ndarë me publikun një anë të panjohur të tij. I ftuar në emisionin ‘Glamour Zone’ në RTV ORA, ai tregoi dy çaste kur është përballur me policinë, e madje ka përfunduar në rajon.
“Nuk kam vrarë dhe nuk kam vjedhur, pra nuk e kam shkelur ligjin (qesh). Por në rajon më kanë shoqëruar dy herë. Herën e parë kam qenë në shkollën e lartë dhe ishte keqkuptim.
Ishim në një lokal, dhe tavolina ngjitur pati disa probleme, por na morën edhe ne.
Ndërsa herën e dytë më shoqëruan për zhurmë. Por më liruan sërish në mëngjes (qesh)”, tha aktori mjaft i dashur për publikun shqiptar.
