Autori i vrasjes së kunatës ka refuzuar që të dorëzohet, e ndërsa vëllai nga burgu po negocion. Krimi makabër në Paskuqan ka ndodhur pasi Erdet Çapoku 34-vjeç, kishte marrë porosi nga i vëllai për ti ruajtur gruan në mos e tradhtonte.
Policia ka pasur një kontakt me autorin e krimit dhe përmes vëllait që ndodhet në burg po negocion për ta dorëzuar, por Erdet Çapoku nuk ka pranuar. Ai është kapur nga kamerat e sigurisë së bizneseve pranë pallatit duke dalë me shpejtësi, ndërsa më pas ka humbur gjurmët.
Gruaja që u vra mbrëmë në Paskuqan nga kunati, burrin e kishte në burg të dënuar me 10 vite burg për “trafik droge” nga Shqipëria në drejtim të Holandës. 6 vite më parë, Elton Çapoku u arrestua së bashku me dy persona të tjerë, dhe u dënua me 10 vite për “trafik droge” në bashkëpunim. E ndërsa vuante dënimin, ai i kishte kërkuar vëllait që t’i kontrollonte të gjitha lëvizjet e gruas, pasi dyshonte se e tradhtonte.
E kishte porosi nga vëllai që t’i ruante nderin, si ndodhi masakra në Paskuqan
