Një 42-vjeçar i kërkuar për tentativë vrasje dhe armëmbajtje pa leje, është vënë në pranga. Operacioni për kapjen e personave në kërkim, me rrezikshmëri të lartë shoqërore, është finalizuar me arrestimin e shtetasit me inicialet B. N., 42 vjeç, banues në Kurbin.
Gjykata e Rrethit Gjyqësor Kurbin, ka caktuar masën e sigurisë ”Arrest në burg”, për veprat penale ”Vrasja me dashje, e mbetur në tentativë, e kryer në bashkëpunim” dhe “Armëmbajtja pa leje”.
Shtetasi B. N., më 29 prill 2020, në Mamurras, në bashkëpunim me një shtetas tjetër, ka qëlluar me armë zjarri në drejtim të një mjeti tip “BMW”, me drejtues shtetasin K. (N.). Sh.
Njoftimi
Kurbin
Finalizohet operacioni policor i koduar “Mamurrasi”. Operacioni për kapjen e personave në kërkim me rrezikshmëri të lartë shoqërore.
Operacioni nga Komisariati i Policisë Kurbin, në bashkëpunim me FNSH Shkodër.
Kapet dhe vihet në pranga një i kërkuar për tentativë vrasjeje dhe armëmbajtje pa leje.
Në vijim të punës për kapjen e personave në kërkim, shërbimet e Komisariatit të Policisë Kurbin, falë bashkëpunimit të ngushtë me qytetarët dhe pas informacioneve të marra për vendndodhjen e një personi në kërkim, në bashkëpunim me FNSH Shkodër, kanë organizuar dhe zhvilluar operacionin e koduar “Mamurrasi”.
Në kushte të larta sigurie dhe falë ndërhyrjes profesionale u bë kapja dhe prangosja e shtetasit B. N., 42 vjeç, banues në Kurbin.
Për këtë shtetas, Gjykata e Rrethit Gjyqësor Kurbin ka caktuar masën e sigurisë ”Arrest në burg”, për veprat penale ”Vrasja me dashje, e mbetur në tentativë, e kryer në bashkëpunim” dhe “Armëmbajtja pa leje”.
Shtetasi B. N., më 29.04.2020, në Mamurras, në bashkëpunim me një shtetas tjetër, ka qëlluar me armë zjarri në drejtim të një mjeti tip “BMË”, me drejtues shtetasin K. (N.). Sh.
Materialet procedurale do t’i kalojnë Prokurorisë së Rrethit Gjyqësor Kurbin, për veprime të mëtejshme.
