Është zbardhur dëshmia që Ilsam Mylkaj ka deklaruar në polici për vrasjen e kryer ndaj 62-vjeçarit, Haxhi Baxhinofski, te Kodrat e Liqenit.
“Jam penduar, e vrava në gjaknxehtësi e sipër. Tek liqeni e takova rastësish. Më shau dhe më goditi. Konflikti yne është i hershëm për 45 mijë euro. Haxhiu më perndiqte edhe vajzat, për këtë borxh familja ime kërcënohej prej tij vazhdimisht.”, mësohet të ketë thenë ai në polici.
Autori i vrasjes, Islam Mylkaj është vetëdorëzuar sot rreth orës 19:30, në Drejtorinë Vendore të Policisë Tiranë.
Sipas policisë, viktima e kishte rutinë të përditshme ecjen nga liqeni pasditeve me të birin. Autori e ka pritur tek liqeni derisa ai ka mbërritur dhe më pas e ka ekzekutuar dhe është larguar në këmbë nga vendngjarja.
Dyshohet se vrasja ka ndodhur si shkak i një borxhi që vrasësi i kishte viktimës.
