Këngëtarja Jonida Maliqi ka reaguar pas kualifikimit në finalen e Eurovizionit. Teksa ka postuar pamje nga Tel Aviv dhe mënyrën se si ajo e ka përjetuar kualifikimin plot emocione, këngëtarja shkruan se po jeton ëndrrën e saj.
Ajo sqaron se nuk ka heshtur në asnjë moment të këtij rrugëtimi, as kur dëgjonte në kor fansat evropianë që këndonin shqip dhe as kur i nisnin lajme nga më të çuditshmet nga Tirana, duke iu referuar batutave në rrjet për anglishten e saj.
“Unë bëra dje atë për të cilën marr frymë, për të cilën edhe erdha në këtë skenë: Këndova!! Jam emocionuar si kurrë më parë me 3 minutat e mia dhe të Shqipërisë, akoma më shumë kur dëgjova: Albania”, shkruan ndër të tjera Maliqi.
Postimi i plotë:
Shqiponja prek qiellin, syte dhe kembet rikthen gjithmone ne toke!! Nuk kam heshtur asnje moment ne kete rrugetim, edhe kur degjoja ne kor fansat europiane qe kendonin shqip #Kthejutokes, edhe kur me nisnin nga Tirana lajme nga me te çuditshmet! Une bera dje ate per te cilen marre fryme, per te cilen edhe erdha ne kete skene:Kendova!! Jam emocionuar si kurre me pare me 3 minutat e mia dhe te Shqiperise, akoma me shume kur degjova: Albania!?? Po jetoj endrren time, mbeshtetja dhe votat tuaja nuk ndalen fluturimin e shqiponjes!! Jemi ne finale, por tashme une mendoj se kemi fituar, jo vetem me kualifikimin por edhe me njeri-tjetrin! U beme bashke si kurre me pare dhe une per kete ju jam pafund mirenjohese!!! Ju dua shume, shihemi ne finale❤❤
