Reperja e njohur Rina Balaj pasditen e sotme ka qenë e ftuar në emisionin “Rudina” aty ku ka folur edhe për diss-et e shumëdiskutuara me Tayna-n.
Ajo ka deklaruar se nuk e ka takuar asnjëherë reperen e famshme dhe se nuk është qëllimi i saj që të krijojë urrejtje. Po ashtu Rina ka rrëfyer se si ka nisur historia e diss-eve.
“Personalisht nuk e kam takuar asnjëherë dhe nuk kam pasur biseda me të as para famës dhe as tani. Këngën time të parë unë e kam publikuar në 2018-ën dhe atëherë nuk kam pas askënd për t’i bërë diss, thjesht e kam kënduar. Nuk është qëllimi im të krijoj urrejtje, por thjesht të ndez atmosferën. Më pas filluan t’më bëjnë diss-e, por unë nuk jam ndjerë ashtu si më kanë përshkruar. Nuk ka asgjë mes nesh, janë thjeshtë portalet ata që e kanë krijuar këtë. Nuk e kam qëllim të bëj reperet të urrejnë njëra tjetrën. Tekstet tona janë thjeshtë rastësi”, tha Rina.
