Dy të rinj, të moshës 24 dhe 29-vjeç kanë mbetur të plagosur me thikë, pas një konflikti të çastit. Ngjarja ka ndodhur në qytetin e Cërrikut, dhe shtetasit e plagosur ndodhen jashtë rrezikut për jetën.
Sakaq, policia ka arrestuar në flagrancë njërin prej autorëve të dyshuar, shtetasin N.Ç, 28-vjeç. Uniformat blu janë vënë në ndjekje të dy shtetasve të tjerë, S.S. dhe E.B, të dyshuar si autorë të ngjarjes.
“Këtë të premte, në qytetin e Cërrikut, para një supermarketi, pas një konflikti të çastit mes shtatasve E.B. N.B (vëllezër), dhe N.Ç , S.S, E.B., janë plagosur me mjet prerës (thikë) shtetasit E.B. 29 vjeç dhe N.B., 24 vjeç, banues në Elbasan. Të cilët ndodhen në spitalin e Elbasanit, nën kujdesin e mjekëve. Jashtë rrezikut për jetën.
Me marrjen e njoftimit, shërbimet e policisë Cërrik kanë ndërhyrë menjëherë, duke arrestuar në flagrancë njërin prej autorëve të dyshuar. Konkretisht shtetasin N.Ç, 28 vjeç.
Forcat e policisë janë vënë në ndjekje të dy shtetasve të tjerë, S.S. dhe E.B, të dyshuar si autorë të ngjarjes. Ku vijon ndjekja për kapjen e tyre.
Grupi hetimor po vijon punën për zbardhjen dhe dokumentimin e plotë të kësaj ngjarje”, thuhet në njoftimin e policisë.
