Një shqiptar ka rënë në pranga të autoriteteve në Maltë. Ai është identifikuar si Bektash Muka. 27-vjeçari akuzohet për grabitjen spektakolare të ndodhur një vit më parë. Ai arrti të vidhte gjysmë milioni euro bizhuteri në një qendër tregtare në Maltë.
Mediat vendase bëjnë me dije se shqiptari u kap ne një tentative të dështuar për t’u arratisur pranë aeroportit. Ndërkohë që me vete iu gjet edhe një armë. Sipas policisë, ai u përpoq të hidhej mbi një gardh për të hyrë në aeroport, por ishte treguar i pasuksesshëm. Nga hedhja ai ka pësuar lëndime dhe policia kishte thirrur një ambulancë. Shqiptari u dërgua në spital për trajtim mjekësor.
Oficerët e sigurisë të dielën në mëngjes në Parkun e Aviacionit vunë re një makine te zeze që iu afrua murit afër zonës së parkimit te avionëve. Televizioni i Maltës informon se disa çaste më vonë shoferi doli nga makina dhe u ngjit mbi pjesën të rrethimit duke u përpjekur të kapërcejë atë.
Rezultoi se makina ishte e vjedhur, ndërkohë që brenda u gjet edhe një sasi droge. Më vonë, u identifikua 27-vjeçari. Bektash Muka i i shpallur në kërkim nga Policia për grabitjen e bizhuterive në Sliema në tetor të vitit të kaluar.
Vlera e bizhuterive ishte gjysme milionë euro. Menjëherë pas ngjarje në pranga ishte vënë Daniel Muka, ku sipas policisë është vëllai i Bektashit./TIRNANA TODAY/
