Një artikull i publikuar nga revista “Weltwoche” ka shkaktuar reagime të shumta, për shkak të përmbajtjes raciste ndaj shqiptarëve.
Në artikullin e titulluar “Ëndrra e lagësht e Kosovës”, flitet përfaqësisht për këngëtaren Loredana, por paragjykohen shqiptarët në tërësi.
Kuvendi i Shqiptarëve në Zvicër ka reaguar duke e dënuar këtë artikull teksa shkruan:
“Në të mund të gjenden krahasime të pakëndshme, fyerje të këqija dhe pasazhe të qarta raciste dhe ksenofobike. Është shumë e vështirë të vendosësh se cilin paragraf do ta citosh këtu. Në esencë, i gjithë artikulli mund të merret si një citat. Autori merr disa videoklipe dhe “performancën artistike” të një rapere shqiptare si shembull, dhe i godet shqiptarët/ret.
Dhe prapa saj qëndron një qëllim që është i qartë për lexuesin e matur. Vërehet haptas se me një artikull “pozitiv” Weltwoche nuk mund të bëjë ndonjë disponim, se nuk i sjell pakënaqësi dhe nuk ofron kurrfarë mbështetje votimi për kandidatë të caktuar. Në mes tjerash, në këtë artikull thuhet, shqiptarët jashtë vendit do të kenë një kohë të vështirë, “pasi gjithnjë në ato shtresat e përhershme të ulëta, ata pesë voziten në një mercedes të zi, me kokë të rrafshëta dhe duke shqiptuar fraza që janë aq të thjeshta si një tullac. Ata mendojnë se janë më xhentilët në botë, vajzat vetëm i presin dhe se thika flet më shumë se një mijë fjalë”. Është thjesht e papranueshme ajo se çfarë i lejon vetvetes Weltwoche. Si Kuvend i Shqiptarëve/reve në Zvicër, e ngremë zërin kundër këtij lloj artikujsh gazetareskë të pa shije. Nuk është hera e parë që komuniteti shqiptar në Zvicër duhet të mbrohet kundër gjuhës raciste dhe fyese të Weltwoche nga një shkrim i tillë tendencioz.”
Po ashtu, Kuvendi i Shqiptarëve të Zvicrës kërkon nga Ëeltëoche që të distancohet nga ky shkrim dhe të kërkojë falje publike.
“Ne nuk i përjashtojmë dhe veprimet ligjore kundër këtij artikulli”, thonë në Kuvendin e Shqiptarëve të Zvicrës.
