Këngëtari i njohur Stresi ka bërë bujë kohët e fundit në media, që nga problemet e tij me drejtësinë e deri te lidhja e tij me Keisin.
Mirëpo ditët e fundit u shpërnda në media lajmi, se dyshja ishin ndarë pas shumë kohësh lidhjeje. Asnjëri nga të dy nuk është prononcuar deri më tani, në lidhje me ndarjen e tyre, por ajo çka u vu re ishte se Keisi i fshiu të gjitha fotot me reperin, hoqi mbiemrin e tij në Instagram dhe e fshiu nga lista e ndjekësve.
I ftuar së fundmi në emisionin “Bukë me vete”, Stresi ka folur rreth periudhës kur ishte në një lidhje, duke u shprehur se kishte spiune që e ruanin ku shkonte dhe çfarë bënte.
“Kam kapur spiunen në klub. Më ruante mua në kohën kur isha në lidhje. Dilja unë në klub, më merrnin ‘Ku je?’, unë i thoja ‘Në shtëpi’. Spiunia i çonte foto që isha në klub. Unë i bëja be që isha në shtëpi, ajo më dërgonte foton. Unë e kuptova se kush ma ka bërë foton se ishin 5 vajza ulur. I shkova aty, ajo tha vetë kush ishte dhe e qortova”, tregoi Stresi, duke mos e bërë të ditur nëse bëhej fjalë për kohën kur ishte i lidhur me Keisin.
Ndërkohë, ai sqaroi se asnjë nga postimet e tij nuk ka qenë për Keisin, duke shtuar se ai e kalon shpejt ndarjen.
“Unë s’kam postuar dhe s’do postoj kurrë për këtë punë. Janë çështje që nuk është hera e parë që i kaloj. Jam shumë i fortë. Unë e kaloj shumë shpejt çdo gjë”, u shpreh Stresi duke folur për herë të parë publikisht për ndarjen.
