Berisha dhe Strakosha dështuan të ruanin portat e paprekura këtë fundjavë në përballjen mes tyre, pasi pësuan nga tre gola dhe ndeshja u mbyll në barazim. Por një tjetër lojtarë kuqezi ka shkëlqyer këtë fundjavë duke u bërë i pakalueshëm në mbrojtje, por duke kontribuar edhe me një asist në golin që i dha fitoren ekipit të tij. Fjala është për Arlind Ajetin i cili dha një kontribut mjaft të madh në fitoren e Crotones ndaj Chievos me rezultatin e ngushtë 1-0.
Për këtë paraqitje ai është përfshirë në formacionin më të mirë të javës së 17-të të Serie A, nga faqja e njohur e statistikave “Whoscored”. Ajeti i cili spikati me formën e tij është vlerësuar me notën 8,7 nga “Whoscored” duke u bërë pjesë e formacionit të javës bashkë me emra shumë të rëndësishëm si Florenzi, Alex Sandro, Candreva, Mandzukic, Milinkovic-Savic e Luis Alberto. Në sfidën ndaj Chievos kuqeziu ishte thjeshtë i pakalueshëm në mbrojtje ndërsa ishte përcaktues edhe në golin e fitores të Crotones të realizuar nga kroati Budimir pasi për kënaqësinë e Walter Zengës që arriti suksesin e parë në krye të skuadrës kalabreze, Ajeti bëri njeriun asist me Budimir që e kishte thjeshtë një lojë fëmijësh të shtynte topin drejt rrjetës.
