Tenori i njohur, Saimir Pirgu, deklaroi në një intervistë në “Top Channel” se i duhen 200 mijë shfaqje që të rikuperojë një gomë të djegur në Shqipëri, nisur edhe nga gjendja aktuale në vend.
“Keq më vjen, por ky perceptim i mediave të huaja të sinkronizuara sikur në Shqipëri është Mesjetë. U bënë 20 vjet që e teprojnë. Është përgjegjësi e politikës shqiptare. Dhe flas të të gjitha krahëve politike që keto gjëra të mos përsëriten.
Sepse imazhi që i bëhet Shqipërisë, është shumë shumë i rëndë. Dhe do më duhen 200 mijë shfaqje mua që të rekuperoj një gomë të djegur që ndodhte në Lushnje para 10 viteve dhe ndodh sot në Tiranë”.
Kjo deklaratë e dhënë nga ana e tenorit, duket se e ka prekur aktorin Neritan Liçaj, i cili i është kundërpërgjigjur përmes një mesazhi në rrjetet sociale. Që në krye të herës, aktori e këshillon që të mos merakoset për imazhin e Shqipërisë. Më tej, Neritani nënvizon se jeta e një kombi është jeta e tij dhe jo dukja, pasi imazhi është iluzion.
