Pas mbledhjes së parë që zhvilloi Grupi Parlamentar i PD-së, Berisha njoftoi për mediat se shumë shpejt do të ketë zyrën e tij në seli, pasi për momentin po lyhet.
“Si është gjendja e arkës në parti, se kam idenë. Do kem një zyrë midis këtyre zyrave në seli. Sapo të lyhet do jetë gati”, tha Berisha.
Ai u shpreh më tej se nuk ka rëndësi se cila do të jetë zyra e tij. “Nuk ka zyrë kryetari tani, nuk ka kryetar këtu. Këtu janë zyrat. Këtu zgjidhet kryetari, ajo bëhet zyrë kryetari, tani për tani çdo zyrë është zyrë”, tha Berisha.
Si e komentoni faktin që Basha nuk mori pjesë në mbledhje?
“Basha është anëtar, ne s’e përjashtojmë. Pyeteni Bashën. Ai është anëtar i grupit parlamentar”.
Prej vendimit të Gjykatës së Tiranës që i dha Komisionit të Rithemelimit Partinë Demokratike, në selinë blu kanë nisur punime. Berisha është pyetur se me çfarë parash po bëhen këto punime, dhe nëse ai ka marrë në dorë edhe financat e partisë. Ai u përgjigj se nuk kishte dijeni, dhe se do të kërkojë të bëjë transparencë.
“Nuk kam asnjë dijeni, por do të kërkoj që të bëhet transparenca. Nuk e di nëse po bëhet me financat e partisë, por si është gjendja e arkës në këtë parti, nuk e kam idenë. Zyra ime do të jetë një zyrë mes këtyre zyrave. Nuk ka zyrë kryetari, nuk ka kryetar. Tani çdo zyrë është zyrë”, u përgjigj Berisha.
