Mbytja e anijes më të madhe të marinës iraniane, e mbushur me kimikate nga Singapori ka shkaktuar frikën e një katastrofe mjedisore në Oqeanin Indian. Anija është fundosur sot në mëngjes në Gjirin e Omanit, pasi fillimisht u përfshi nga flakët, në rrethana ende të paqarta. Marina iraniane informoi se 20 marinarë nga një ekuipazh prej 400 vetësh, kanë pësuar lëndime sipërfaqësore. Sipas mediave, zjarri shpërtheu në dhomën e motorit. “Zjarrfikësit luftuan 20 orë për të shuar zjarrin”, thuhet në deklaratën e dhënë nga marina iraniane. Sipas mediave nga Teherani, zjarri nisi rreth dy orë pas mesnatës së shkuar. Anija mbante emrin e ishullit ku ndodhet terminali kryesor i naftës në Iran – Kharg. Ajo ndodhej afër portit iranian Jask, rreth 1,270 kilometra në juglindje të Teheranit, pranë ngushticës strategjike të Hormuzit. Anija e fundosur, që njihej si “Anija stërvitore”, u ndërtua në Britani në vitin 1977 dhe u përfshi në marinën iraniane në vitin 1984.
Informacionet e para
Fatkeqësia u konfirmua nga Tasnim News në Iran, në mëngjes, dhe burime të tjera raportuan të njëjtën gjë. Irani thotë se “janë marrë masa për të shuar zjarrin, personeli i trajnuar është zbritur dhe është nxjerrë në breg”.
