Indrit Bajraktari, i arrestuar për mbytjen e 17-vjeçares Enisa Doda në Velipojë, është lënë në burg nga gjykata.
Gjykata e shkallës së parë në Shkodër ka vendosur masën e sigurisë “burg pa afat”, për Indrit Bajraktarin i cili akuzohet për vrasje nga pakujdesia të 17-vjeçares Enisa Doda në Velipojë. 25-vjeçari ka rrëfyer versionin e tij të ngjarjes së rëndë.
“Jemi rrëzuar të dy nga motori, dhe nuk mbaj mend asgjë se çfarë ka ndodhur. Për rreth 40 minuta kam qëndruar pa ndjenja në ujë, dhe pasi jam përmendur kam tentuar të dal me not. Ka ardhur një çift tjetër me motorskaf, dhe me thanë se po njoftojmë ato të motoskafeve se ata ishin dy veta dhe nuk kishte vend për mua.
Nuk e di se si ka përfunduar çelësi i motoskafit në qafën e vajzës, sepse kam rënë pa ndjenja. Kam tentuar që të largohem nga frika. Më kapi paniku dhe kisha frikë. Kam menduar se vajza është 18 vjeçe ndaj edhe kemi dalë. Motra e saj është ne Angli dhe kemi njohje”, tha ai.
Në dëshminë e tij të mëparshme, 25-vjeçari ka thënë se vajza ra nga motoskafi dhe u mbyt në ujë.
