Kryeministri Rama ka reaguar lidhur me protestën e studentëve. Në një postim në Tëitter, ai është fokusuar te mbyllja e dyerve të fakulteteve.
Rama e cilëson këtë veprim si “fytyrën kuptimplotë të pengmarrësve të një proteste shembullore”.
Sa i takon protestës së studentëve, kryeministri thotë se ajo ka hyrë në fazën e parë të realizimit të kërkesave bazë dhe zhvillimit të një dialogu të brendshëm.
“Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për nevojat specifike të çdo fushe studimesh”, shkruan Rama në Twitter.
Kujtojmë se studentët kanë refuzuar kategorikisht cdo dialog me Ramën, teksa janë të vendosur në kërkesat e tyre.
Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për nevojat specifike të çdo fushe studimesh #MeStudentët
— Edi Rama (@ediramaal) January 7, 2019
