Ka përfunduar zyrtarisht në orën 19:00 afati i votimeve për zgjedhjet vendore. Zgjedhje të cilat u bojkotuan nga opozita e bashkuar jashtë parlamentit, ndërsa fatmirësisht mund të themi se deri tani ato kanë qenë në përgjithësi të qeta.
Përfaqësuesit e OSBE-së kanë mbërritur në disa qendra votimi për të monitoruar procesin e mbylljes së votimeve. Forca të shumta të policisë kanë mbërritur në qendrat e votimit për të shmangur incidente të mundshme dhe për t’u siguruar që zhvendosja e materialeve zgjedhore drejt KZAZ-ve të kryhet pa ndonjë problem.
Siç duket në videon e siguruar nga Tirana Today, në gjimnazin Ibrahim Rugova në Kamëz, efektivë të shumtë qëndrojnë jashtë godinës, ndërsa në anën tjetër të rrugës ndodhet nja grup militantësh të partive opozitare.
Këta të fundit nuk kanë marrë pjesë në votime, ndërsa kërkojnë largimin e kryeministrit, teksa kundërshtojnë procesin me thirrjet “Rama ik!”./ Tirana Today
