12:26
E ndërsa protesta është në mbylljen e saj ne Elbasan, një protestë e cila iu përgjigj thirrjes së kuksianeve për taksën e Rrugës së Kombit, Monika Kryemadhi është shprehur e kënaqur për pjesëmarrjen e protestës dhe paralajmëron se protesta të tjera do të vijojnë derisa kryeministri të ndërgjegjësohet dhe të ule taksat për qytetarët që po i rrëmben dhe kafshatën e fundit.
“Ky është teatër i Ramës. E kemi parë të qajë kështu disa herë. Sa herë që është në hall thotë gjëra të tillë. Përderisa ai u tërheqka nga taksa në Rrugën e Kombit, pse nuk liron qytetarët kuksianë? Ai është një person i tillë që kur është në hall të bëhet urë, por kur rikthehet aty ku do rifillon me arrogancën. I kërkojmë Prokurorisë që të hetojë kontratën me koncesionarin. Rama është aq shumë i zhytur në zullumet e tij sa nuk ka prokuror që e shpëton. Protestat janë të qytetarëve, ne jemi këtu për t’i mbështetur dhe për të qenë pranë tyre. Nuk do ndalemi derisa Rama të tërhiqet, dhe të plotësohen kërkesat tona”, tha Kryemadhi.
10:18
Kryetarja e LSI-së, Monika Kryemadhi i ka bërë thirrje kryeministrit Rama që të ndërgjegjësohet dhe ti japë fund vjedhjes së shqiptarëve.
Duke folur nga Bradasheshi ku po kryeson mosbindjen civile ajo tha se Rama duhet të heqë dorë nga taksa e Rrugës së Kombit dhe tvsh e biznesit.
“Jemi për të ndërgjegjësuar kryeministrin e drogës Edi Rama që duhet të tërhiqet nga taksa e rrugës, nga TVSH për biznesin, nga rritja e çmimit të ujit dhe çdo gllabërim që i bën shqiptarëve. Ne jemi sot këtu jo për të bllokuar rrugën, por për të bllokuar rrugën e drogës. Shqiptarët duhet të marrin në dorë fatin e tyre për të larguar njëherë e mirë një qeveri që po vjedh çdo ditë”, tha Kryemadhi.
“Kjo është në situatë që ka dalë jashtë duarve të politikës. Nëse do të vazhdojmë kështu, ky popull është drejt shpërbërjes së tij”, vijoi më tej kryetarja e LSI-së.
