Maturantët sapo mbyllën protestën për ditën e sotme.
Ata protestuan rreth 2 orë para Ministrisë së Arsimit Sportit dhe Rinisë për provimin e gjuhës dhe letërsisë, i cili ngjalli shumë pakënaqësi në lidhje me pyetjet e hartuara.
Maturantët u ulën në rrugën kryesore para ministrisë, ndërsa theksuan se Ministrja e Arsimit Besa Shahini duhet të gjejë mënyrën për të rivlerësuar testin dhe uljen e kufirit për notën 9 dhe 10.
Po kështu, maturantët kanë kërkuar një tryezë të hapur me MASR dhe mediat.
Ndërkohë ata kanë paralajmëruar se do të rikthehen nesër në protestë në orën 13:00 pas mbarimit të provimit të matematikës të cilin kanë deklaruar se nuk do ta bojkotojnë.
