Ka përfunduar pjesa e parë e finales së Champions League, e cila ka qenë mjaft dramatike për të dyja ekipet. Është Liverpool që e nis menjëherë me një aksion të rrezikshëm por që nuk arrijnë të godasin si duhet. Loja vazhdon në ritme të tilla ku Real Madrid nuk arrin të shfaqet dhe vetëm përpiqet që të jetë i kujdesshëm në mbrojtje.
Në minutën e 30’ do të ndodhte ajo që askush nuk e priste, finalja humbet Salah, njeriun më të dashur për tifozët. Egjiptiani dëmtohet pas një dueli me Sergio Ramos, ku gjatë rënies në tokë ka zënë krahu keq dhe është dëmtuar në shpatull. Cfarë humbje madhe për Liverpoolin e Klopp. Ndërsa vetëm 2’ minuta më pas është Carvajal që detyrohet të lëri fushën e lojës pas një dëmtimi gjatë kthimit të topit me thembër.
Në minutën e 43’ zgjohet dhe Ronaldo, i cili në një goditje me kokë trondit Karius i cili nuk largon si duhet dhe Benzema e dërgon në rrjetë por arbitri akordon pozicion jashtë loje. Kujtojmë që atmosferën në Kiev e ndezi këngëtarja shqiptare Dua Lipa me një performancë të jashtëzakonshme me këngëtarin Sean Paul.
