Dojna Mema, në një komunikim me fansat në rrjetet sociale, ka shprehur keqardhjen duke konfirmuar se është mbyllur rubrika “Një ditë me Dojnën”.
Ajo ka ripostuar mesazhin lavdërues të një ndjekëseje, duke njoftuar në të njëjtën kohë se ky projekt i saj, nuk do të vazhdojë më.
“Nuk postoj kurrë mesazhe vlerësimi, sepse mendoj që janë vetëm për mua dhe i shijoj shumë, aq më tepër kur vijnë nga vajza.
“Një ditë me Dojnën” e mbylli ciklin e saj si pjesë e “Pop Culture”, ndaj më vjen keq që e prisnit sërish.
Ka qenë një projekt që e kam dashur aq shumë, sa nuk ka shpagim më të madh se sa të kuptoj që edhe ju e keni ndjerë po njëlloj”, ka shkruar Dojna.
